SORGU Külli miqdarda dolların ölkədən çıxarılmasının qarşısı alınıb - <font color=red> FOTO</font>

Külli miqdarda dolların ölkədən çıxarılmasının qarşısı alınıb - <font color=red> FOTO</font>

12 Mart 13:17 - 2020 Kriminal

Hava Nəqliyyatında Baş Gömrük İdarəsinin əməkdaşları külli miqdarda xarici valyutanın ölkənin gömrük sərhədindən bəyan etmədən keçirilməsinə cəhdin qarşısını alıblar.

 

Buta.ws bu barədə Dövlət Gömrük Komitəsinə istinadən xəbər verir.

 

Məlumata görə, Bakı-İstanbul aviareysi ilə gedən sərnişin gömrük nəzarəti zonasına daxil olarkən xarici valyutanı gömrük orqanına əvvəlcədən şifahi, yazılı, elektron formada bəyan etməyib.

 

Ona məxsus baqaj rentgen aparatından keçərkən monitorda şübhəli predmetlərin təsvirləri müşahidə edilib. Çantaya təkrar baxış keçirilməsi üçün vətəndaş yoxlama otağına dəvət olunub.

 

Yoxlama zamanı baqajın içərisindəki sellofan paketdə olan 1 cüt ayaqqabı, gödəkcə və paltarların arasında olan kisənin içərisindən gömrük nəzarətindən gizlədilən və bəyan olunmayan, ümumilikdə 42 600 ABŞ dolları aşkar edilib.

 

Faktla bağlı araşdırma aparılır.