Ermənistan sülh sazişi mətnində razılaşdırılmayan maddəni - üçüncü ölkələrə məxsus qüvvələrin sərhəddən çıxarılmasını qəbul edib. Bu, Azərbaycanın əsas tələblərindən biri idi. Paşinyan bildirib ki, sülh müqaviləsi imzalandıqdan sonra müşahidəçilər Ermənistan-Azərbaycan sərhədini tərk edəcək.

BUTA.TV xəbər verir ki, bu sözləri politoloq Asif Nərimanlı Ermənistanın Azərbaycanın tələblərini qəbul etməsi və Azərbaycan və Ermənistan arasında sülh sazişi müzakirələrinin yekunlaşması haqda qeyd edib.

Politoloq bildirib ki, bundan öncə İrəvan müşahidəçilərin sərhədin delimitasiya olunmuş hissələrindən çıxarılması mövqeyində israr edirdi, lakin sonda Bakının tələbinə uyğun olaraq, AB qüvvələrinin ümumi sərhəddən uzaqlaşdırılması ilə razılaşdı:

“İstisna deyil ki, müşahidəçilər sərhəddən uzaq bölgələrdə ofis şəraitində işləyəcəklər, lakin sərhəddə patrul xidməti aparmayacaqlar.

Bu, Azərbaycan-Ermənistan münasibətlərində sülh mərhələsinin başlanması istiqamətində ciddi addımdır, lakin hələ hər şeyin yekunlaşması demək deyil. Əsas məsələ Bakı-İrəvan xəttində problemlərin üçüncü tərəf olmadan, müzakirə masasında həll edilməsi imkanlarının tükənməməsidir”.

• Arakçının İrəvan səfərində Türkiyə və ABŞ hədəfi
• Azərbaycanda həkim faciəli şəkildə öldü - FOTO
• Bakıdan İrəvana: Bu imkanı əldən vermə!
• Azərbaycanlılara qarşı “kürd ssenarisi”: Pezeşkian da gəldi
• Əgər xalq mənim qərarıma qarşı çıxarsa... - Paşinyan
• Broyler toyuqları sağalmaz xəstəliyə, sonsuzluğa, cinsi zəifliyə səbəb olur?
• Razılığa gəlmişik, yalnız imzalamaq qalır - Rubinyan
• Minsk Qrupunun ləğvini müzakirə etməyə hazırıq - Nikol