“Əgər Ermənistan bu gün Azərbaycanla sərhədə hərbi texnika, canlı qüvvə cəmləşdirirsə, deməli, yenə hansısa təxribata hazırlaşır. Bu şübhəsizdir. Düşmən bu yolla nəyəsə nail olmağa çalışır. Ancaq qarşı tərəf bilməlidir ki, bu qarşıdurma Ermənistan üçün əsl faciə olacaq”.
Bunu millət vəkili Vahid Əhmədov deyib. O bildirib ki, Ermənistanı yeni qarşıdurmaya təhrik edən ona havadarlıq edən dövlətlərdir: “Beynəlxalq erməni lobbisindən dəstək alan Ermənistan intensiv şəkildə bölgəyə hərbi qüvvələr cəlb edir. Yeni bir təxribata əl atmaqla, status-kvonu öz xeyrinə dəyişmək niyyəti güdür. Ancaq ermənilərin bu niyyəti heç bir zaman baş tutmayacaq. Bu qarşıdurma Ermənistanın sonu olacaq. Çünki Azərbaycan 44 günlük Vətən Müharibəsində Ermənistanın hərbi potensialının 80 faizdən çoxunu məhv edib. Bu baxımdan, əminliklə bildirirəm ki, yeni qarşıdurma Ermənistan ordusunun qalıqlarının da qısa zamanda məhv olması ilə nəticələnəcək”.
- Ramiz Mehdiyev bu iki nazirdən çəkinirdi
- Eldar Mahmudova görə vəzifədən getdim - Eks-nazir
- Ramil Səfərovun xanımı yeni vəzifəyə təyin edildi
- Rusiyada saxlanılan Niyaz Zahidov Azərbaycandan deport edilib
- Səudiyyədə əmlak sahibi olmaq istəyənlərin diqqətinə!
- Vardanyan barədə sənədli film hazırlandı - Video
- Erməni lobbisi indi yeni tezis irəli sürür - Yalçın
- Azərbaycanın diaspor nümayəndələri saxlanıldı - Video