Ölkəmizin 1920-ci il martın 1-dən fasiləsiz fəaliyyət göstərən ilk xəbər agentliyi – Azərtac özünün imicində yenilənmə aparmaq, qarşıya qoyulan vəzifələri daha dolğun və ifadəli təqdim etmək məqsədilə yeni loqo hazırlamaq qərarına gəlib.
BUTA.TV xəbər verir ki, bu barədə agentlikdən məlumat verilib.
Bildirilib ki, loqoda millilik, informasiya işi, Azərtacın ölkənin ilk xəbər agentliyi olması, jurnalistika ənənələri, tarixi dəyərlər kimi mənaların əks olunması əsas istiqamətlər kimi seçilib:
“Loqodakı elementlər informasiyanın emalı və dünyaya çatdırılması, daha geniş coğrafiyada yayılması kimi konsepsiyaları vurğulayır. Səkkizguşəli loqo agentliyin öz tarixi ənənələrinə sadiqliyini göstərir. Xəbərlərin doğruluğu, feyk məlumatların qarşısının alınması, ictimaiyyətə daim yoxlanılmış informasiyanın çatdırılması Azərtacın fəaliyyətin prioritet istiqamətləridir. Bunlar nəzərə alınaraq informasiyanın yoxlanılıb yayımlanması ideyası da loqoda əksini tapıb.
Mavi və göy rəng çalarlarından istifadə olunub ki, bu da ciddilik, etibarlılıq, inam mənalarını ifadə edir”.
- Şəmkir rayonunda kütləvi zəhərlənmə...
- Şəmkirdə 11 nəfər salatdan zəhərləndi
- "Qarabağ" cavab oyununa çıxır
- Nərimanovda obyektdə yanğın - Video
- Final fitindən sonra argentinalı futbolçuya şillə vurdu - Video
- Küçələrdə ölən aktrisanın sərvəti üzə çıxdı - Fotolar
- Qələbədən sonra duyğusal qucaqlaşma... - Video
- Argentina futbolçuları meydanda siyasi pankart açdı - Fotolar