ABŞ-ın Pensilvaniya ştatının Uest-Redinq şəhərində yerləşən “R.M. Palmer Company” şokolad fabrikində partlayış olub.

BUTA.TV xəbər verir ki, bu barədə “Assoşeyted Press” məlumat yayıb.

Partlayışda azı 2 nəfər ölüb, 9 nəfər itkin düşüb, 8 nəfər isə xəstəxanaya yerləşdirilib.

Zavoddakı işçilərin dəqiq sayı barədə hələ də dəqiq məlumat verilməyib.

Partlayış nəticəsində fabrikin binası uçub, qonşu binaya da ziyan dəyib. Hadisənin başvermə səbəbi hələ müəyyən olunmayıb.