Əgər Qərb silahlarının tədarükü indiki sürətlə davam edərsə, Ukrayna Silahlı Qüvvələrinin əks-hücum əməliyyatı mümkün qədər effektiv olacaq.

BUTA.TV xəbər verir ki, bunu Ukraynanın Milli Təhlükəsizlik və Müdafiə Şurasının katibi Aleksey Danilov deyib.

O bildirib ki, Ukrayna Silahlı Qüvvələri işğal olunmuş ərazilərin azad edilməsi üçün hazırlığı davam etdirir:

“Müttəfiqlərin hərbi yardımı əks-hücum potensialına əhəmiyyətli dərəcədə təsir göstərir”.

Danilovun sözlərinə görə, hücumun başlaması ilə bağlı vaxtaşırı mətbuatda yer alan tarixlər və planlar reallıqdan uzaqdır:

“Bu məlumatlar çox məhdud bir dairəyə məlumdur. Nə vaxt və necə - hər şeyi görəcəksiniz, biz heç nə gizlətmək fikrində deyilik. Sadəcə gözləmək lazımdır”.