“Neftçi” futbol klubunun qapıçısı Aqil Məmmədov Rusiyanın “Zenit” klubunun futbolçusu Vladislav Sausla oyun zamanı toqquşduqdan sonra səhhəti pisləşib.

BUTA.TV xəbər verir ki, Məmmədov xüsusi avtomobillə Sankt-Peterburqdakı xəstəxanalardan birinə aparılıb.

Məsələ ilə bağlı danışan "Neftçi"nin məşqçisi İqor Getman Aqil Məmmədovun huşunun yerində olduğunu deyib:

"Aqil Məmmədov özünə gəlib. İndi xəstəxanadadır, tomoqrafiya olacaq. Amma həkimlər ciddi bir şey olmadığını söyləyiblər".

Qeyd edək ki, ötən gün "Neftçi" "Matç TV" turniri çərçivəsində "Zenit"lə qarşılaşıb və Piter təmsilçisi "ağ-qara"ları 3-1 məğlub edib.