Danimarka Ukraynaya yeni hərbi yardım paketi ayırıb. Bu, artıq ardıcıl 19-cu yardım paketidir.

BUTA.TV xəbər verir ki, bu barədə Danimarka Müdafiə Nazirliyi məlumat yayıb.

“İyunun 18-də hökumət Xarici Siyasət Şurası ilə Ukraynanın təcili ehtiyaclarını və Ukraynanın özünümüdafiə qabiliyyətinin uzunmüddətli inkişafını dəstəkləyəcək 19-cu yardım paketi ilə bağlı məsləhətləşib”, - məlumatda deyilib.

Paket müttəfiqlərlə müdafiə sənayesindən alqı-satqı və transferlərə dair bir sıra müxtəlif müqavilələrin bağlamasını nəzərdə tutur.