Fevralın 17-də Mingəçevir şəhəri və Yevlax rayonunun bəzi ərazilərində təbii qazın verilişində müvəqqəti məhdudiyyətlər olacaq.

BUTA.TV xəbər verir ki, bu barədə “Azəriqaz” İB-nin məlumatında deyilir.

Bildirilib ki, qaz ölçü qovşağında mövcud “baypas” xəttinin təmiri ilə əlaqədar qaz nəqli dayandırılacaq. Bu səbəbdən fevralın 17-si saat 10:00-dan etibarən təmir işləri başa çatanadək “Mingəçevir” Qaz Paylayıcı Stansiyasından qidalanan Mingəçevir şəhərinin mərkəzi və üç qəsəbəsində 30 269 əhali və 521 qeyri-əhali abonentinin qaz təminatı kəsiləcək.

Həmçinin Yevlax rayonunun Tanrıqulular, Hürüşağı və Boşçalı kəndlərində yaşayan 831 abonentə də qazın verilişi müvəqqəti dayandırılacaq.

“Dedilər, Mehdiyev sənin yox, Sadıqovun deputat seçilməsini istəyir” “Dedilər, Mehdiyev sənin yox, Sadıqovun deputat seçilməsini istəyir”