Ermənistanın Baş naziri Nikol Paşinyan Milli Təhlükəsizlik Xidmətinin keçmiş rəhbəri Artur Vanetsyanı xarici kəşfiyyat xidməti ilə əməkdaşlıqda ittiham edib.

BUTA.TV xəbər verir ki, o, bu barədə bu gün keçirdiyi mətbuat konfransında deyib.

Paşinyan bildirib ki, delimitasiya prosesini tənqid edənlər ölkədə hərbi münaqişəyə, hakimiyyət dəyişikliyinə can atırlar:

“Rəqiblərin növbəti addımı ölkənin dövlətçiliyinin və suverenliyinin məhvinə gətirib çıxaracaq qeyri-legitim marionet hökumətin qurulması olacaq. Bu, onların ssenarisidir və bu, çox açıqdır”.

Onun sözlərinə görə, buna digər ölkələrdə yerləşən narkobaronlar (Ermənistanın Məhkəmə Aktlarının Məcburi icrası Xidmətinin keçmiş rəhbəri Miqran Poqosyan nəzərdə tutulur - red.), xarici kəşfiyyat xidmətlərində çalışan və onların sifarişlərini yerinə yetirən, təsiredici agent kimi çıxış edən kriminal aləmin nümayəndələri dəstək verir:

“O, yayımlanan səsyazma ilə məşhurdur. Bəs kim dedi ki, onlar bütün səs yazısını dərc ediblər? Əlbəttə, hamısını yox. Onların bəzilərindən hədə-qorxu aləti kimi istifadə edilib və telefon dinləmələrinin xarici xüsusi xidmət orqanları tərəfindən həyata keçirildiyinə dair əlimizdə sübutlar var. Səs yazısının digər hissələri bu adamdan ən azı təsiredici agent kimi istifadə etmək üçün saxlanılıb. Mən Artur Vanetsyandan danışıram”.

• Tehran xalqı aksiyalara səsləyən əsas şəxsin adını belə çəkmir
• Xəzər dənizinin taleyini həll etməliyik - Tokayev
• Kamaləddin Qafarov: 20 Yanvar faciəsi terrorun bariz nümunəsi idi
• Onlar da Zəngəzur dəhlizinə öz pəncələrini qoydular - Poqosyan
• Türkiyə XİN 20 Yanvar faciəsinin qurbanlarını yad etdi
• Kürd silahlılar istifadə edildi və atıldı: hər şey bitdi - Köçəryan
• Prezident Şəhidlər xiyabanını ziyarətinə dair videoçarx paylaşdı
• Çin Rusiya üzərində qiymət təzyiqini artıracaq – Şərh