Rusiya Ermənistanla hərbi-texniki sahədə təmaslardan imtina etmir.
BUTA.TV xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə Rusiya Federasiyası xarici işlər nazirinin müavini Mixail Qaluzinin bəyanatı və Rusiyanın Ermənistanla silah tədarükü ilə bağlı istənilən danışıqlardan imtina edə biləcəyi ilə bağlı fikirlərə münasibət bildirərkən deyib.
O bildirib ki, hərbi məhsulların xarici ölkələrə tədarükü Rusiya rəhbərliyinin dəfələrlə dediyi kimi, xüsusi hərbi əməliyyatın ehtiyacları nəzərə alınmaqla həyata keçirilir:
“Müəyyən növ silah və hərbi texnika ilə bağlı mövcud məhdudiyyətlər təkcə Ermənistanla deyil, digər tərəfdaşlarımıza da aiddir. Ermənistanla hərbi-texniki sahədə təmaslara gəlincə, biz onlardan imtina etmirik, onlar müntəzəm şəkildə aparılır, qarşı tərəfdən də heç bir şikayət görməmişik”.
Qeyd edək ki, Qaluzin “Komsomolskaya Pravda”ya müsahibəsində bildirmişdi ki, Ermənistanın ABŞ və NATO-nun “çətiri” altına keçməsi Rusiya ilə və KTMT çərçivəsində vahid müdafiə məkanını saxlamağı qeyri-mümkün edəcək.
- Əli Kərimlinin saxlanılması ilə bağlı yeni məlumat
- Cəmil Həsənli hava limanından geri qayıtdı - DTX-yə çağırıldı
- Gültəkin Bakıya göndərilir: daha iki şəxs saxlanacaq
- Gültəkin Hacıbəyli Türkiyədə saxlanıldı: deport edilir
- Azərbaycan Qahirədə mühüm iclasda təmsil olunacaq
- 14 yüksək rütbəli zabitimizin şəhid olmasından 4 il ötür
- Əli Kərimlinin evindən Ramiz Mehdiyevin məktubu tapıldı
- Əli Kərimli DTX-ya aparıldı