Səhiyyə Nazirliyinin İnformatika və Statistika İdarəsinin külli miqdarda mənimsəmədə təqsirləndirilən sabiq rəisi Mehdi Əmrahovun cinayət işi üzrə məhkəmə başlayıb.

BUTA.TV APA-ya istinadla xəbər verir ki, bu gün Bakı Ağır Cinayətlər Məhkəməsində hakim Neymət Məmmədovun sədrliyi ilə keçirilən prosesdə anket məlumatları dəqiqləşdirilib.

Prosesdə Səhiyyə Nazirliyinin Daxili Nəzarət Şöbəsinin əməkdaşı zərərçəkənin nümayəndəsi qismində iştirak edib.

İclasda təqsirləndirilən Mehdi Əmrahovun barəsində olan qətimkan tədbirinin dəyişdirilməsi barədə qərar verilib. Onun barəsində həbs qətimkan tədbiri seçilib.

Mehdi Əmrahov məhkəmə zalında həbs edilib.

Cinayət işi məhkəmə baxışına verilib. Baxış iclası iyulun 20-nə təyin edilib.

Qeyd edək ki, Səhiyyə Nazirliyinin İnformatika və Statistika İdarəsinin sabiq rəisi Mehdi Əmrahovla bağlı Baş prokuror yanında Korrupsiyaya Qarşı Mübarizə İdarəsində cinayət işi açılıb.

O, nazirliyin 600 min manatdan çox vəsaitini mənimsəməkdə ittiham olunur.

Ona qarşı Cinayət Məcəlləsinin 179.4-cü (mənimsəmə və ya israf etmə, xüsusilə külli miqdarda ziyan vurmaqla törədildikdə), 308.2-ci (ağır nəticələrə səbəb olmaqla vəzifə səlahiyyətlərindən sui-istifadə etmə) və 313-cü (vəzifə saxtakarlığı) maddələri ilə ittiham irəli sürülüb.

Mehdi Əmrahov istintaqın gedişində ziyanın bir qismini ödəyib.

İstintaq dövründə yaşı və səhhəti nəzərə alınmaqla onun barəsində polis nəzarəti altına vermə qətimkan tədbiri seçilib.

• Sabah 39 dərəcə isti olacaq
• Xanım jurnalistin sözləri Prezidenti güldürdü - Video
• “SocGov 2026” beynəlxalq forumu çərçivəsində müsabiqə...
• Sabiq rəis məhkəmə zalında həbs edildi
• Prezident Qordonun Putinlə bağlı sualına belə cavab verdi - Video
• Bu məlumatları heç kimlə paylaşmayın! - DİN
• Eks-idarə rəisi ilk iclasda həbs edildi
• Onlar vizadan qarşılıqlı azad edəcək