Qarabağdakı keçmiş separatçı rejimin təhlükəsizlik şurasının katibi olmuş Samvel Babayan öz ətrafı vasitəsilə son zamanlar Qarabağ ermənilərini bölgəyə qayıtmaq üçün razı salmağa çalışır.

BUTA.TV Globalinfo.az-a istinadən xəbər verir ki, bu məlumatı “Hraparak” qəzeti yayıb. Məlumata görə, Babayanın qohumları onun adından deyirlər ki, əgər 2000 insan toplaşa bilsə, onlar Xankəndiyə oradan çıxdıqları kortejlə qayıda biləcəklər. Bu fonda Babayanın adamları həmçinin bu insanların Azərbaycan hakimiyyəti altında yaşayacaqlarını deyir:

“Babayan deyir ki, şəxsən özü geri dönüş marşına rəhbərlik edəcək. Daha dəqiq desək, Babayan “Kadırov-2″ olmaq istəyir (Çeçenistan lideri Ramzan Kadırovun Rusiya Prezidenti Vladimir Putinə sədaqəti nəzərdə tutulur – red.). Samvel Babayan Qarabağın Azərbaycanın tərkibinə keçməsindən öncə tək-tük adamlardan idi ki, Azərbaycanla qarşılıqlı anlayış tapılmasını ictimai şəkildə deyirdi”.

Qəzet yazır ki, Babayanın mövqeyi ilə separatçıların böyük qismi razı deyil. Onlar həmçinin Babayanın məqsədinin Qarabağa dönüş yox, Paşinyana gizli dəstək göstərmək olduğunu düşünürlər. Yəni Babayan bunun sayəsində Qarabağ ermənilərini Ermənistandakı etirazlardan kənarda saxlamağı bacarmalıdır. SEO Nədir

“Hraparak” həmçinin Xankəndidə Rusiya konsulluğunun açılması planının Babayanın erməniləri geri qaytarmaq istəməsiylə nə qədər əlaqəli ola biləcəyi ehtimalına da diqqət yetirib. Lakin qəzet konsulluğunun açılmasının ermənilərin geri dönüşü üçün olmadığı qənaətinə gəlib:

“Bizim Qarabağın “siyasi dairələrindəki” mənbəmiz deyir ki, əslində rusiyalılar konsulluğu sülhməramlılara alternativ olaraq açırlar. Sülhməramlılar getsə də Rusiya regiondan getmək istəmir və sadəcə Xankəndidə gözlərinin və qulaqlarının olmasını istəyir”.

• Gültəkin Bakıya göndərilir: daha iki şəxs saxlanacaq
• Gültəkin Hacıbəyli Türkiyədə saxlanıldı: deport edilir
• Azərbaycan Qahirədə mühüm iclasda təmsil olunacaq
• 14 yüksək rütbəli zabitimizin şəhid olmasından 4 il ötür
• Əli Kərimlinin evindən Ramiz Mehdiyevin məktubu tapıldı
• Əli Kərimli DTX-ya aparıldı
• Rəsul Quliyevin gəncliyi: anası və xanımı ilə birgə - Fotosu
• Deputatlara biznes qadağandır, amma bu deputatın adı təkcə 2025-ci ildə 103 milyon manatla hallanır…