Azərbaycana səfərə hazırlaşan ABŞ Dövlət katibinin Avropa və Avrasiya məsələləri üzrə köməkçisi Ceyms Obrayen Konqresin Nümayəndələr Palatasının Beynəlxalq Əlaqələri Komitəsinin dinləmələrində çıxış edib. Amerikalı diplomat konqresmenlərin suallarına cavab olaraq deyib ki, Bakıdakı görüşlərdə Ermənistanla sülh sazişinin qısa müddətdə imzalanmasının vacibliyini söyləyəcək. Bunu digər amerikalı diplomatlar da dönə-dönə vurğulayırlar. Ceyms Obrayenin Bakıya səfəri ərəfəsində Azərbaycan Xarici İşlər Nazirliyi sülh sazişi ilə bağlı növbəti təkliflərini İrəvana göndərib. Əgər İrəvan Bakının təkliflərini qəbul edərsə, məsələnin qısa müddətdə həlli mümkündür.
BUTA.TV xəbər verir ki, bu barədə politoloq Elxan Şahinoğlu qeyd edib.
O bildirib ki, İrəvan Bakının “Konstitusiyanızda Azərbaycana ərazi iddialarını ehtiva edən bəndləri çıxarın” tələbinin yerinə yetirilməsini sonrakı illərə saxlamaq istəyir:
“Vaşinqton rəsmi Bakının tələbindən xəbərdardır. Buna baxmayaraq, ABŞ Dövlət Departamenti Ermənistan Konstitusiyası ilə bağlı bugünə qədər mövqe bildirməyib. Vaşinqtonun çox çalışdığı sülh sazişinə əsas əngəl budur. Amerikalı diplomatlar Azərbaycanla Ermənistan arasında qısa müddətdə sülh sazişininin imzalanmasını və Ceysm Obrayenin Konqresdə söylədiyi kimi, Ermənistanın Azərbaycandan keçən Orta dəhliz layihəsinə qoşulmasını istəyirlərsə, əsas izahat işini İrəvanda aparmalıdırlar”.
- Bu xəbərlərə də göz at
- “Zibilə düşdüyümüzə görə …” - Məşhur aparıcıdan qiymət artımına etiraz - FOTO
- Biləsuvarda yük maşını yandı, yol bağlandı - Foto
- Xarkovda Ukrayna ordusunun təchizat anbarı vuruldu
- Rusiyada güclü zəlzələ baş verdi
- Naxçıvan-Gəncə reysinin yeni qiymətləri açıqlandı
- Gəncə, Zaqatala və Lənkərana təyyarə bileti - Yeni qiymət