ABŞ Azərbaycanla uzunmüddətli tərəfdaşlığa ümid edir.
BUTA.TV xəbər verir ki, bunu ABŞ-nin Azərbaycandakı səfiri Mark Libbi ABŞ-ın müstəqilliyinin 248-ci ildönümünə həsr olunmuş tədbirdə çıxışı zamanı deyib.
“Azərbaycan müstəqilliyini bərpa etdikdən sonra ABŞ təhsili və iqtisadi inkişafı təşviq etmək, münaqişədən zərər çəkmiş məcburi köçkünlərə dəstək olmaq və ölkəni ölümcül minalardan təmizləmək üçün bir milyard dollardan çox vəsait ayırıb. Amma biz uzunmüddətli tərəfdaşlığa da ümid edirik. Biz birlikdə regionda sülhü təmin edəcək daha dərin əməkdaşlığa çalışırıq”, - səfir bildirib.
Diplomat xatırladıb ki, Azərbaycan və Ermənistan sərhədlərin delimitasiyası prosesinə başlayıb, məhbusların mübadiləsi ilə bağlı danışıqlar aparıb və sülh sazişinin imzalanmasına heç vaxt olmadığı qədər yaxın olduqlarını açıq şəkildə bəyan ediblər.
Deputatlara biznes qadağandır, amma bu deputatın adı təkcə 2025-ci ildə 103 milyon manatla hallanır…
“ABŞ bu əlamətdar addımların tarixi imkanlar pəncərəsi açdığını düşünür. Ermənistanla bağlanacaq sülh sazişi regionda görünməmiş sabitlik yaradacaq və Azərbaycana, bütünlükdə regiona fayda verəcək ticarət və praktiki əməkdaşlığa qapı açacaq. ABŞ hər iki tərəfi bu fürsətdən istifadə etməyə çağırmağa davam edir və biz kömək etmək üçün əlimizdən gələn hər şeyi edəcəyik”, - o deyib.
- Gültəkin Hacıbəyli Türkiyədə saxlanıldı: deport edilir
- Azərbaycan Qahirədə mühüm iclasda təmsil olunacaq
- 14 yüksək rütbəli zabitimizin şəhid olmasından 4 il ötür
- Əli Kərimlinin evindən Ramiz Mehdiyevin məktubu tapıldı
- Əli Kərimli DTX-ya aparıldı
- Rəsul Quliyevin gəncliyi: anası və xanımı ilə birgə - Fotosu
- Deputatlara biznes qadağandır, amma bu deputatın adı təkcə 2025-ci ildə 103 milyon manatla hallanır…
- Xəzər Boru Kəməri Konsorsiumunun infrastrukturu zədələndi