Elçin İbadov “SOCAR Türkiyə’’nin yeni baş direktoru təyin olunub.
BUTA.TV xəbər verir ki, o, son təyinata qədər şirkətin neft emalı və neft-kimya biznes vahidinin baş maliyyə direktoru (CFO) vəzifəsində çalışıb.
Qeyd edək ki, E.İbadov Çikaqo İllinois Universitetindən məzun olduqdan sonra 2002-ci ildə Çikaqoda Dünya Ticarət Mərkəzində araşdırma mütəxəssisi olaraq əmək fəaliyyətinə başlayıb. 2003-cü ildən etibarən 11 il müddətində PwC şirkətində müxtəlif məsul vəzifələrdə çalışdıqdan sonra 2014-2019-cu illər arasında STAR Neft Emalı Zavodunda (NEZ) maliyyə direktoru və CFO vəzifələrində fəaliyyətini davam etdirib. 2019-cu ilin noyabr ayından etibarən “Petkim”də, həmçinin STAR NEZ, “Petkim”, “SOCAR Depolama” və “SOCAR Petrol Ticaret” şirkətlərini əhatə edən Neft emalı və neft-kimya biznes vahidində baş maliyyə direktoru vəzifəsini icra edib. “Harvard Business School”da müxtəlif peşəkar təhsil və sertifikat proqramlarını tamamlayan Elçin İbadov iqtisadiyyat, mühasibatlıq, maliyyə, beynəlxalq maliyyə hesabatları standartları və maliyyə auditi mövzularında bir neçə dərsliklərin müəllifi, ACCA, ACFE və IIA kimi beynəlxalq maliyyə və audit təşkilatlarının daimi üzvüdür.
2016-cı ildən “SOCAR Türkiyə”nin baş icraçı direktoru vəzifəsində çalışan Zaur Qəhrəmanov isə SOCAR prezidentinin müşaviri vəzifəsinə təyin edilib.
- ATƏT-in Minsk qrupu dekabra qədər ləğv ediləcək
- Əliyevlə Putinin müzakirə edəcəyi çox şey var - Belyayev
- İsraildən Bakını qəzəbləndirəcək addım... - Kritik açıqlama
- Aşxen Aleksanyan Azərbaycana casusluq ittihamı ilə saxlanıldı
- Azərbaycan Cənubi Qafqazda davamlı sülhün bərqərar olmasına çalışır
- Türkiyəyə qarşı “təzyiq aləti” - Paşinyan imkan vermədi
- Alimdən xəbərdarlıq: Nəsiminin gorunu açmaq...
- Rusiya səfirliyimizə raket atdı