Məsələ Ermənistanın KTMT-dən çıxıb-çıxmayacağından yox, KTMT-nin Ermənistanı tərk edib-etməməsindən gedir. KTMT Ermənistanın sərhədlərini tanımır. Bu, ciddi problemdir, çünki sərhəd yoxdursa, deməli, məsuliyyət sahəsi də yoxdur.
BUTA.TV xəbər verir ki, bu sözləri Ermənistan Təhlükəsizlik Şurasının katibi Armen Qriqoryan Faktor TV-yə müsahibəsində deyib.
Qriqoryan Ermənistanın sərhədlərin tanınması məsələsində Almatı bəyannaməsinin əsas götürdüyünü bildirib:
“Biz bu məsələni qaldırdıq, lakin o, hələ də öz həllini tapmayıb. Ümid edirik ki, həll yolu var. Ancaq bu, sərhəd tanınmadan mümkün deyil. Niyə Ermənistan demarkasiya və digər məsələlər üçün Almatı bəyannaməsini əsas kimi qəbul etdi? Bu sənədə əsasən, keçmiş sovet respublikalarının inzibati sərhədləri dövlət sərhədləri kimi tanınır. Bu o deməkdir ki, Ermənistanla sərhəd var, bəlkə də metrinə qədər deyil, amma bu, artıq demarkasiya məsələsidir. Ermənistanın 29,8 min kvadrat kilometr ərazisinin olduğu məlumdur. Əgər iradə varsa, onu qorumaq olar. Amma iradənin olmaması Ermənistanı müdafiə etməyi mümkünsüz edir”.
Qriqoryan Azərbaycanı sərhədləri tanımamaqda ittiham edib:
“Bakı Ermənistandakı bəzi Azərbaycan kəndlərindən danışır (Ermənistanın işğalı altında olan 8 Azərbaycan kəndindən söhbət gedir - red.). Demək ki, onlar sərhədin olduğunu etiraf edirlər. Bu o deməkdir ki, onlar Ermənistanın 2021-2022-ci illərdə “işğal olunmuş” ərazilərini tərk etməlidirlər”.
- Yanvarın 1-dən bu şəxslər cərimələnəcək - Rəsmi
- Ermənistan ordusu haubitsalarla Kərkiyə gedir – Video
- Hikmət Məmmədov işdən çıxarıldı
- Tovuzda yol qəzasında ölənlərdən beşi hərbçidir - MN
- COP29-da Qərb məsuliyyətdən yayınmağa çalışdı - Zaxarova
- Fəzail Ağamalıdan yayılan xəbərlərə reaksiya: Utanmıram!
- 37 nəfər Azərbaycan vətəndaşı Almaniyadan geri qaytarıldı
- İsrail atəşkəsə razılaşdı: İran hərəkətə keçəcək?