Krım körpüsünə hücumla bağlı alman zabitlər arasında söhbətlə əlaqədar Rusiya XİN-ə çağırılan Almaniyanın Moskvadakı səfiri Aleksandr Lambsdorf görüş zamanı yayımlanan səs yazısının həqiqiliyinə şübhə etməyib.

BUTA.TV xəbər verir ki, bunu Rusiya XİN-in rəsmi nümayəndəsi Mariya Zaxarova deyib.

“Alman səfir bu səs yazısının real olduğunu şübhə altına almadı”, - o bildirib.

Qeyd edək ki, Lambsdorf martın 4-də Krım körpüsünə hücumlarla bağlı alman zabitlər arasında söhbətlə əlaqədar Rusiya Xarici İşlər Nazirliyinə çağırılmışdı.