Rusiyanın Sankt-Peterburq şəhəri yaxınlığında qapalı musiqi festivalına polis tərəfindən basqın edilib.

BUTA.TV xəbər verir ki, bu barədə “Dojd” kanalı məlumat yayıb.

Məlumata görə, Leninqrad vilayətinin Vıborq rayonunda musiqi festivalının təxminən 100 iştirakçısı və təşkilatçısı saxlanılıb. Hüquq-mühafizə orqanlarının əməkdaşları festivalda "solçu radikalların" iştirak etdiyini iddia ediblər.

Bildirilib ki, basqına səbəb festivalda Ukraynaya dəstək mahnılarının ifası, hakimiyyət dəyişikliyinə çağırış və kütləvi şəkildə spirtli içkilərin içilməsi olub.