"Daxili İşlər Nazirliyinin Baş Dövlət Yol Polisi İdarəsinin rəisi Ramiz Zeynalovun təqaüdə gedib-getməməsi məsələsi çoxdan müzakirə olunur. Düşünürəm, bu, o qədər də strateji məsələ deyil. Ramiz Zeynalov getsin, qeyrisi gəlsin. Biz şəxsləri müzakirə etməli deyilik. Yol hərəkəti qaydaları, yaxud DYP-dəki pozitiv, neqativ hallar barədə danışmaq şəxslərə aid deyil. Bu gün cərimələrin yüksək olmasının, Azərbaycanda nəqliyyat problemlərinin mövcudluğunun bircə Ramiz Zeynalovun vəzifədə qalması və ya təqaüdə getməsi ilə dəyişəcəyini düşünmürəm".
Bu sözləri açıqlamasında Ağ Partiyanın sədri Tural Abbaslı deyib.
"Ramiz Zeynalovun müavini Kamran Əliyevi təqaüdə göndərdilərsə, o demək deyil ki, başqa əməkdaş tapılmayacaq. Məsələləri uzun müddət şəxslərə bağladıq. Sonradan isə bir çox nazirliklərdə müşahidə etdik ki, nazir dəyişsə də, sistem, yanaşma tərzi, fəlsəfəsi dəyişmədikcə problem aradan qalxmır. Buna görə də Ramiz Zeynalov qalsın, ya başqası gəlsin, bunun mənim üçün o qədər də önəmi yoxdur. Qanunvericilikdə, yol hərəkəti qaydalarında, yolun tənzimlənməsində, nəqliyyat tıxac məsələlərində fərqli yanaşma olmadıqca, vəzifədə kim olur olsun, adlar önəmli deyil", - partiya sədri bildirib.
- Bayden Ukrayna ilə bağlı daha bir sensasion qərara hazırlaşır
- Kopırkindən sülhlə bağlı mühüm açıqlama: Moskva istəyir ki...
- Azərbaycana “petrostate” deyənlər, 2026-dən yeni ixrac olacaq
- ABŞ-dan “sürpriz”: Ərdoğan Putinə zəng etdi - Nə baş verir?
- Ermənilər azərbaycanlıların qəbiristanlığını dağıtdı - Video
- Ermənistana silah daşınır – MN narahatdır, çağırış etdi
- İsrail səfirliyi yanında atışma: ölü və yaralılar var
- Bakıda 300 milyard razılaşdırıldı: Amma Leyen və Berbok…