ABŞ-ın keçmiş vitse-rezidenti Mayk Pens Rusiyanın hərbi gəmilərinin Kuba sahillərinə göndərməsinə görə Prezident Vladimir Putini təhdid edib.
BUTA.TV xəbər verir ki, Pens bununla bağlı X səhifəsində yazıb.
O, “Mayami Herald” qəzetinin “Rusiya donanması Kubaya yaxınlaşarkən ABŞ hərbi gəmilərini yerləşdirir” başlıqlı xəbərini “Bu barədə heç düşünmə, Vladimir” sözləri ilə paylaşıb.
Qeyd edək ki, “Mayami Herald” qəzetinin məlumatına görə, Rusiya donanmasının Kubaya yerləşməsindən sonra ABŞ-ın 3 esminesi hərəkətə keçib. Bundan başqa, ABŞ Hərbi Dəniz Qüvvələrinə məxsus sualtı qayıq əleyhinə “Poseydon-8” və Kanada Hərbi Hava Qüvvələrinin “CP-140 Avrora” patrul təyyarələri də havaya qaldırılıb.
Xatırladaq ki, ötən həftə Kuba hökuməti Rusiya donanmasına məxsus “Admiral Qorşkov” freqatı, “Kazan” atom sualtı qayığı, “Akademik Paşin” tankeri və “Nikolay Çiker” qoşqu gəmisinin 12-17 iyun tarixlərində keçiriləcək təlimlərdə iştirak etmək məqsədilə Havana limanında qalacağını bildirmişdi.
- Əli Kərimlinin saxlanılması ilə bağlı yeni məlumat
- Cəmil Həsənli hava limanından geri qayıtdı - DTX-yə çağırıldı
- Gültəkin Bakıya göndərilir: daha iki şəxs saxlanacaq
- Gültəkin Hacıbəyli Türkiyədə saxlanıldı: deport edilir
- Azərbaycan Qahirədə mühüm iclasda təmsil olunacaq
- 14 yüksək rütbəli zabitimizin şəhid olmasından 4 il ötür
- Əli Kərimlinin evindən Ramiz Mehdiyevin məktubu tapıldı
- Əli Kərimli DTX-ya aparıldı