İyunun 21-də Dünya Bankının İnvestisiya Mübahisələrinin Həlli üzrə Beynəlxalq Mərkəzinin baş katibi “Walnort Finance Limited” şirkətinin Ermənistana qarşı arbitraj iddiasını qeydə alıb. Bu iddia 3 iyun 2024-cü ildə qaldırılıb və Paşinyanın ofisinə, Xarici İşlər və Maliyyə nazirliklərinə, eləcə də İrəvanın Beynəlxalq Hüquq Məsələləri üzrə nümayəndəliyinə verilib.

BUTA.TV xəbər verir ki, bu barədə Ermənistan mətbuatı məlumat yayıb.

“Walnort” şirkətinin məlumatına görə, onların arbitraj iddiası 16 oktyabr 2023-cü ildə Ermənistan hökumətinə təqdim edilib:

“Hökumət 1998-ci ildə Ermənistanla Kipr hökuməti arasında İnvestisiyaların təşviqi və mühafizəsi haqqında Saziş əsasında üzərinə götürdüyü öhdəliklərin ciddi şəkildə pozulması barədə məlumatlandırılıb. “Walnort”un Ermənistanın ən böyük mədən şirkəti olan Zəngəzur Mis-Molibden Kombinatına sərmayə qoyması kombinatda əhəmiyyətli pay əldə etməyə çalışan İrəvan hökumətinin siyasi motivli kampaniyası nəticəsində pozulub. Xüsusilə, hökumət “Walnort”un Zəngəzur Mis-Molibden Kombinatında qanuni səhmdar hüquqlarını həyata keçirməsinə mane olub və nəticədə şirktət ən azı 1,2 milyard dollar itki yaşayıb”.

• ABŞ İrana yenidən hücuma başladı
• Bakı-Şamaxı yolu çökdü - Video
• “Mənə verdiyi suala görə vəzifəsindən azad edilib” - Qusmanı misal çəkdi+Video
• Ukraynanın Baş naziri istefa verdi
• “Turbo.az” və “Bina.az”la bağlı gözlənilməz - Qərar
• “Atasına deyir ki, meyitini gətirin, əlimi sürtüm” - Gözdən əlil ananın fəryadı+Video
• TikTok Azərbaycanda 600 minə yaxın videonu sildi
• AQTA-dan bu məhsullarla bağlı çağırış