Bu il ərzində yenidən salınmış Cəbrayıl şəhərinin mərkəzinə, eləcə də bu rayonun bir neçə kəndinə köç planlaşdırılır.

BUTA.TV xəbər verir ki, bunu Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Şuşada keçirilən “Sahibkarlar üçün yeni imkanlar: Qarabağı birlikdə quraq" adlı tədbirdə deyib.

Onun sözlərinə görə, Zəngilan və Qubadlı rayonlarında da yeni yaşayış məskənlərinin inşası davam edir və həmin ərazilərə də köç nəzərdə tutulur:

"Hər bir yaşayış məskəninə sakinlər köçdükcə orada yeni sahibkarlıq imkanları yaranır. Buna misal olaraq yaxın gələcəkdə Cəbrayıl şəhərində yaşayış binalarının qeyri-yaşayış hissələrində müxtəlif istiqamətli biznes fəaliyyətlərin həyata keçirilməsi məqsədilə həm köç edəcək sakinlər, həm də sahibkarlar üçün şərait yaradılmış, onların fəaliyyət göstərməsi istiqamətində işlər aparılmaqdadır".

Onun sözlərinə görə, bütün işğaldan azad olunmuş ərazilərdə olduğu kimi, Cəbrayıl, Qubadlı və Zəngilan rayonlarında da Prezident İlham Əliyevin rəhbərliyi altında bir sıra yaşayış məntəqələrinin təməli qoyulmuş və tikinti-quruculuq işləri uğurla davam etdirilir:

"Hər biriniz işğaldan azad edilmiş ərazilərə hər gəlişinizdə sürətlə gedən bərpa-quruculuq işlərinin şahidi olursunuz.

Bildiyiniz kimi, “Böyük Qayıdış”ın ilk ünvanı sayılan Zəngilan rayonunun Ağalı kəndində artıq həyat var. Ağalı “Ağıllı kənd” prinsipləri əsasında qısa müddət ərzində inşa edilmiş və əhalinin yaşayışı üçün zəruri olan bütün infrastruktur orada yaradılmışdır. Bugünədək "Böyük Qayıdış”a dair I Dövlət Proqramı çərçivəsində Ağalıda 175 ailədən ibarət 871 nəfər sakin məskunlaşıb və firəvan şəkildə yaşayır".

• Dəhlizdə Azərbaycan vətəndaşı yoxlanacaq? - Paşinyan
• Polşaya hücum: Putin qurbağanı qaynatmağa başladı
• 16 yaşlı qız cinsi zorladılar, 4 nəfər həbs olundu
• Sabiqlərlə bağlı SENSASİYA: Azərbaycanı təhlükə gözləyir - Siyahıdakı adlar...
• Onlar son zamanlar 100 milyonluq əmlak satıblar... – İDDİA
• Rus dronları Polşaya qəsdən girib – Putinin məqsədi nədir?
• Manaf Ağayevin oğluna vəzifə verildi
• Onlar da polisin vəzifələrini icra edəcək