Hazırda əksər müəllimlər tarix fənni dərsliklərinin çox ağır olduğunu və şagirdlərin bundan əziyyət çəkdiyini deyirlər. Hətta yaxın günlərdə müəllimlərdən biri 6-cı sinif Azərbaycan tarixi kitabında ibtidai icma quruluşu mövzusunun 63 səhifəni əhatə etdiyini göstərib, etirazını bildirmişdi. Bəli, bir mövzunun bu qədər geniş olması şagirdlərə fayda vermir.

Bu sözləri BUTA.TV-a açıqlamasında təhsil eksperti Ramin Nurəliyev dərsliklərin çox yüklü olmasını bəhs edərkən deyib.

Ekspertin sözlərinə görə, bu gün ölkəmizdə universitetə hazırlıq prosesi çətindir:

“Orta təhsil məktəblərində və ya ali təhsil müəssisələrinə hazırlıq istiqamətində dərsliklər, eləcə də suallar asan olmalıdır. Abituriyentin 5-6 fənndən imtahan verdiyini və təkcə tarixdən nə qədər kitab oxumalı olduğunu nəzərə alsaq, vəziyyətin ciddiyətini anlayarıq.

Biz imtahanları çətinləşdirdikcə, uşaqlar ali təhsil üçün xarici ölkələrə daha çox üz tutur”.

Ekspert bildirib ki, qəbul imtahanlarında ümumi tarixdən sual salınmasının əleyhinədir:

“Hətta buna Qazaxıstanı nümunə də çəkə bilərəm. Onlarda coğrafiya, tarix və ana dili fənlərindən ancaq ölkə üzrə suallar tərtib olunur”.

Ekspert qeyd edib ki, bu istiqamətdə müəyyən tənzimləmələr həyata keçirilə bilər:

“Məncə, fənlərin və ya mövzuların sayını azalda, hətta imtahanlarda öz tarix, ədəbiyyat və ya coğrafiyamızdan suallar sala bilərik”.

• Baş bankir ona vəzifə verdi
• İdman zalından 5 min manatlıq saat oğurlandı
• Bakcell tətbiqində AirPods və hər gün 1 GB internet qazan
• Baş nazir qərar imzaladı
• “Azəridad”da tüklü toyuqlardan kolbasa hazırlayırmışlar - Fotolar
• Musa Şəkiliyevin həbs müddəti uzadıldı
• Qalmaqallı videoçarx silindi
• İran nüvə bombası hazırlamalıdır - Ərdastani