Ukrayna ordusu Limanın şimalında Rusiya qüvvələrinin irəliyə çıxmış mövqelərini məhv edib və Donetsk bölgəsində irəliləməsinin qarşısını alıb.

BUTA.TV xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub.

Hesabata görə, bununla da Rusiya komandanlığının Slavyansk, Kramatorsk və Drujkovka şəhərlərini genişmiqyaslı şəkildə mühasirəyə almaq planlarını tamamilə puça çıxıb.

İnstitutunun analitikləri onu da qeyd ediblər ki, son aylarda Ukrayna ordusu rusları Jerebets çayına doğru geri sıxışdırmağa nail olub.

Rusiya hərbi müxbirləri də Liman yaxınlığındakı çıxıntı üzərində nəzarətin itirildiyini etiraf edib və döyüşlərin Jerebets çayı boyunca müdafiə xətlərinə keçdiyini qeyd ediblər.