İfrat sağçı Almaniya üçün Alternativ (AfD) Partiyası kansler Fridrix Merzin mühafizəkar bloku üzərində üstünlüyünü artırıb.

BUTA.TV xəbər verir ki, “İnsa İnstitutu"nun "Bild" qəzeti üçün keçirdiyi sorğuya görə, AfD-nin dəstək reytinqi bir faiz bəndi artaraq 29%-ə çatıb. Merzin rəhbərlik etdiyi Xristian Demokrat Birliyi (CDU) və onun qardaş partiyası Xristian Sosial Birliyi (CSU) isə 20%-lik dəstəyini qoruyub saxlayıb.

Müxalifətdəki Yaşıllar Partiyasının reytinqi 14%, hakim koalisiyada tərəfdaş olaraq qalan Almaniya Sosial Demokrat Partiyasının (SPD) reytinqi 13%-dir. Sol Partiya da əvvəlki 10%-lik göstəricisini qoruyub saxlayıb.

Sorğu AfD-nin şərqdəki federal Saksoniya-Anhalt əyalətində keçirilən seçkilərdə qələbə qazanmasından bir həftə sonra dərc edilib.