“Çox dəhşətli səhnədir. Tehrandakı səfirliyimizə hücum etmiş terrorçu İran polisinə əl edərək, heç bir müqavimətsiz əlindəki avtomat silahla səfirliyə daxil olur. Tehrandakı səfirliyə hücum çox ciddi təhlükəsizlik problemlərini üzə çıxarır”.
BUTA.TV-nin xəbərinə görə, bunu Azərbaycan Xalq Cəbhəsi Partiyasının sədri Əli Kərimli bildirib.
Ə.Kərimli qeyd edib ki, terrorçu əlində avtomatla düz səfirliyin içinə girə bilirsə, deməli, səfirliyi kənardan qorumalı olan İran polisi ya bu hücumun içində olub, ya da cinayətkarcasına səhlənkarlığa yol verib və məsul şəxslər həbs olunmalıdır: “İranla münasibətlərin hazırkı gərginliyini və daha əvvəllər müxtəlif ölkələrdə Azərbaycan səfirliklərinə edilən hücumları da nəzərə almaqla Tehrandakı səfirliyimiz daha yaxşı qorunmalı idi. Cinayətkar silahlı olduğu üçün ya səfirliyin çölündə, səfirliyə girə bilmədən zərərsizləşdirilməli idi, ya da səfirliyin qapısından silahla içəri daxil olduğu anda atəşlə qarşılanmalı idi. Bütün bunlar olmadı və deməli, səfirliyin Azərbaycan tərəfindən mühafizəsində də səhlənkarlığa yol verilib. Nəhayət, hər bir pis hadisənin də mütləq yaxşı bir tərəfi vardır prinsipinə uyğun olaraq son terror olayının daha bir qəhrəmanımızı da ortaya çıxardığını vurğulayaq. Avtomat silahla səfirliyin mühafizə rəisini qətl etmiş cinayətkarın üzərinə yalın əllə, cəsarətlə hücum edib, cinayətkarın daha çox insan öldürməsinə imkan verməyən səfirliyin ağ köynəkli mühafizəçisi gerçək bir qəhrəmandır və igidliyinə görə dövlət səviyyəsində təltif olunmalıdır”.
- ABŞ rəsmisi Bakıda sülhdən danışdı: Tramp gözləyir
- Ştaynmayerlə bağlı ilginc fakt: Böyrəyini xanımına veribmiş
- Bakıdan paylaşılan bu görüntü erməniləri dəli etdi - Video
- Cənubi Qafqaz Boru Kəmərini, TANAP və TAP-ı genişləndirməliyik
- AÇG , “Abşeron” və “Şahdəniz” buna töhfə verir
- Qaz təchizatımızın Avropadakı coğrafiyası genişlənəcək
- Bu, milli təhlükəsizliyin ayrılmaz hissəsidir - Prezident
- Türkiyə İran deyil: hərbi toqquşmamız olsa.... – İsraildən baxış