Qərb ölkələri terror təhlükəsi adı ilə İstanbulda konsulluq fəaliyyətlərini dayandırır: səbəb kimi İsveçdə Türkiyə səfirliyinin önündə Quranın yandırılması və buna Avropa ölkələrinin İstanbuldakı diplomatik nümayəndəliklərinə qarşı hücumlarla cavab verilməsi ehtimalı göstərilsə də, hədəfin 14 mayda keçiriləcək prezident və parlament seçkilərində Ərdoğanın səs itirməsi olduğu istisna deyil.

BUTA.TV xəbər verir ki, bu sözləri siyasi şərhçi Asif Nərimanlı 9 ölkənin İstanbuldakı konsulluqlarını “terror təhlükəsi səbəbindən” bağlaması haqqında qeyd edib.

O bildirib ki, terror təhlükəsi haqda yaradılan rəy Türkiyənin iqtisadi və siyasi mənzərəsinə təsir edə bilər:

- Turist axını azalır, eləcə də xarici investisiya ölkədən çıxır;

- Seçicilərin seçiminə təkcə iqtisadi yox, həm də sabitliyin pozulması üzərindən təsir edirlər və s.

“Seçkilər yaxınlaşdıqca hadisələrin yönləndirilməsinə hesablanmış bu kimi addımların daha intensiv xarakter alacağı, hətta terror hücumlarına cəhdlərin ola biləcəyi də mümkündür”.

Qeyd edək ki, Türkiyə XİN 9 ölkə səfirini bu məsələ ilə bağlı dəvət edib və etirazını bildirib.

• Zeynəbin axtarışları hələ də davam edir - Video
• Sabah Bakıda güclü külək əsəcək - Xəbərdarlıq
• Abşeronda mühüm tədbir keçirildi - Foto
• 1 saatlıq nasazlıq xəstəxanada bu görüntünü yaratdı - Video
• Azərbaycanda daha iki dövlət qurumu ləğv edilir
• Pelleqrini İlham Əliyevə xizək hədiyyə etdi
• Sahibə Qafarovanın bu vəzifəyə namizədliyi irəli sürüldü
• “AzerGold”un təşkilatçılığı ilə Göygöldə tibbi müayinə aksiyası...