Yəmən vətəndaşı, ictimai fəal, Nobel Sülh Mükafatı laureatı Təvəkkül Karmanın başçılıq etdiyi “Tawakkol Karman Foundation” Türkiyənin Qəhrəmanmaraş şəhərində zəlzələdən zərərçəkənlər üçün 50 ev tikəcəklərini bildirib.
BUTA.TV Report-a istinadən xəbər verir ki, bu barədə fonddan bildirilib.
Məlumata görə, Yəməndə Belqees TV-yə müsahibə verən xanım Karman tikiləcək evləri yəmənlilərin Türkiyə ilə həmrəylinin göstəricisi olduğunu deyib.
O, binaların AFAD-ın vasitəsilə tikiləcəyini də bildirib.
Qeyd edək ki, Təvəkkül Karman 1979-cu il fevralın 7-də Yəməndə anadan olub. O, Yəməndəki inqilabın beynəlxalq ictimaiyyət üçün siması sayılır. Onu Yəmən xalqı “Dəmir qadın” və “İnqilab anası” adlandırır. T.Kamran 2011-ci ildə Ellen Conson Sirlif və Leymah Qbovi ilə birlikdə Nobel Sülh Mükafatını alıb. O, Nobel Sülh Mükafatını alan ilk yəmənli, ilk ərəb qadını, həmçinin bu mükafatı alan ikinci müsəlman və ən gənc qadın olub.
T.Karman yəmənli jurnalist, siyasətçi və uzun müddət Əl-İslah Partiyasının üzvüdür. 2005-ci ildə yaradılmış "Zəncirsiz Jurnalistlər" qrupunun həmtəsisçisidir. 2012-ci ildə Türkiyə vətəndaşlığını qəbul edib və Təvəkkül Karman adını alıb.
- Zakir Həsənov Türkiyədə hərbi məktəblərin buraxılış mərasimində
- Şuşanın bir hissəsini kəşf etdim - Britaniya səfiri
- Azərbaycanla bağlı mənə göstəriş verilib ki... - İran səfiri
- Rus əsgərlər bir-birini “güllələyib”, medal aldılar - Rəzalət
- Azərbaycan səhiyyəsini niyə dirçəltmək olmur? - Sensasion yazı
- ATƏT-in Minsk qrupu dekabra qədər ləğv ediləcək
- Əliyevlə Putinin müzakirə edəcəyi çox şey var - Belyayev
- İsraildən Bakını qəzəbləndirəcək addım... - Kritik açıqlama