Qəhrəmanmaraş şəhərinin Türkoğlu rayonunda axtarış-xilasetmə işləri başa çatıb.

BUTA.TV-ın Report-a istinadən xəbərinə görə, bu barədə Karaman valisi Tuncay Akkoyun Azərbaycanın fövqəladə hallar nazirinin müavini general-leytenant Etibar Mirzəyevlə Qəhrəmanmaraş şəhərində görüşü zamanı deyib.

O bildirib ki, Türkoğlu rayonunda zəlzələ zamanı 152 bina dağıntılar altında qalıb, 25 məscidə ziyan dəyib, 54 binada isə axtarış-xilasetmə işləri aparılıb.

Vali qeyd edib ki, dağıntılar altından 113 nəfər sağ, 679 nəfərin isə meyiti çıxarılıb.

T.Akkoyunun sözlərinə görə, təbii fəlakət nəticəsində 2 icra nümayəndəsi, 17 müəllim və 1 polis əməkdaşı həlak olub:

"Hazırda zərərçəkmişlər çadır şəhərciklərinə yerləşdirilib, onlara lazimi yardımlar göstərilir".

• Kirovoqradda güclü partlayış baş verdi
• “Fənərbaxça” 18 ildən sonra ÇL-ə vəsiqə qazandı
• Qətər baş naziri İrana səfər edəcək
• "Qurdlar Vadisi"nin aktyoru vəfat etdi
• ABŞ sanksiyaları: İran BMT-yə müraciət etdi
• YPG-nin ləğvi kürd-ərəb qardaşlığını gücləndirəcək - Fidan
• Elə riskə getdi ki, faciənin qarşısını aldı - Video
• Bu yol 2 gün bağlı olacaq