“Müharibə olmaya bilərdimi”, “Rusiyanın hansı tələbi yerinə yetirilsəydi, Kreml bir il əvvəl Ukraynaya qarşı işğalçı müharibəyə başlamazdı” kimi suallar bəzi dairlərdə hələ də səslənir. Ancaq Rusiyada indiki idarəetmə forması və düşüncə tərzi Ukraynaya qarşı işğalçı müharibəni labüd edirdi, sadəcə tarix fərqli ola bilərdi.
BUTA.TV xəbər verir ki, bunu politoloq Elxan Şahinoğlu qeyd edib.
“Adamlar tanıyıram ki, müharibəyə görə Ukrayna Prezidenti Vladimir Zelenskini günahkar sayırlar. Guya Zelenski siyasəti ilə Putini qıcıqlandırdı və bundan qəzəblənən Kreml sahibi hücum əmri verdi. Yaxşı, Ukraynanın əvvəlki hakimiyyəti bəs nə etmişdi ki, Putin 2014-cü ildə Krımın ilhaqına qərar verdi? Ukraynada sonuncu prezident seçkisində yenə də Pyotr Poroşenko qalib gəlsəydi də, Putin Ukraynaya qarşı işğaldan vaz keçməyəcəkdi”, - politoloq bildirib.
E.Şahinoğlu vurğulayıb ki, Putinə görə ruslar və ukraynalılar eyni millətdir:
“Ona görə ukraynalılar rusların istəyi əleyhinə Qərbə inteqrasiya siyasətinə üstünlük verməməliydi. Ukraynada Prezident Vladimir Zelenskidən qeyrisi də olsaydı Kiyev Avropanın iqtisadi və təhlükəsizlik institutlarına inteqrasiyadan imtina etməyəcəkdi. Bircə keçmiş prezident Viktor Yanukoviç Avropaya inteqrasiyadan imtina etdi, onu isə xalqı devirdi”.
- Bu gecə hər ikisi meydana çıxacaq
- Pensiya və müavinətlərlə bağlı mühüm xəbər
- Daha bir azərbaycanlı Ukraynada həlak oldu
- Xəstəliyi ilə bağlı bunları yazdı - “Heç nə kömək etmir...”
- Şamaxıda Ağsu çayı daşdı - İnsanlar yollarda qaldı-Video
- Hidayət Heydərov tənqidlərə tatamidə cavab verdi - “Bezdirmisiniz”-Foto
- İkinci qəbul imtahanı asan olacaq? - Nuri
- Berlin 260 minlik ordu qurur - “Könüllülər bəs etmir, məcburi olacaq”