Hazırda zəlzələ ilə əlaqədar Türkiyədə ancaq Azərbaycan və Flippindən gələn axtarış-xilasetmə qrupları fəaliyyətlərini davam etdirirlər.
BUTA.TV xəbər verir ki, bunu Türkiyənin xarici işlər naziri Mövlud Çavuşoğlu deyib.
Onun sözlərinə görə, 90 ölkədən 11 500-ə yaxın axtarış-xilasetmə heyəti gəlmişdi.
"İki ölkənin daha - Gürcüstan və Özbəkistanın heyətləri işlərini tamamladıqları üçün geri qayıdıblar. Hazırda ancaq Azərbaycan və Flippindən 700 nəfərlik heyət axtarış-xilasetmə işləri görür", - deyə nazir bildirib.
M.Çavuşoğlu qeyd edib ki, 27 ölkədən 30 səhra xəstəxanası göndərilmişdi: "Bunlardan bəziləri axtarış-xilasetmə heyəti ilə birgə gəlmişdi. Hazırda 10-u geri qayıdıb, 20-si fəaliyyətini davam etdirir".
Xatrıladaq ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Həmçinin Türkiyədə bir həftəlik matəm elan olunub.
- Bu gecə hər ikisi meydana çıxacaq
- Pensiya və müavinətlərlə bağlı mühüm xəbər
- Daha bir azərbaycanlı Ukraynada həlak oldu
- Xəstəliyi ilə bağlı bunları yazdı - “Heç nə kömək etmir...”
- Şamaxıda Ağsu çayı daşdı - İnsanlar yollarda qaldı-Video
- Hidayət Heydərov tənqidlərə tatamidə cavab verdi - “Bezdirmisiniz”-Foto
- İkinci qəbul imtahanı asan olacaq? - Nuri
- Berlin 260 minlik ordu qurur - “Könüllülər bəs etmir, məcburi olacaq”