26 may saat 11:00-dan etibarən Azərbaycan bölməsi üzrə I siniflərə qəbul üçün prioritet tələbi tətbiq edilən ümumi təhsil müəssisələrində boş qalan yerlərə prioritetsiz qəbul aparılacaq.

Bu barədə BUTA.TV-a Elm və Təhsil Nazirliyindən məlumat verilib.

Sözügedən ümumi təhsil müəssisələrinin siyahısı aşağıda təqdim edilib:

Heydər Əliyev adına lisey;

T.İsmayılov adına 6 nömrəli məktəb-lisey;

İ.Hacıyev adına tərəqqi texniki-humanitar liseyi;

İ.Əfəndiyev adına elitar gimnaziya;

“Ankara məktəbi” məktəb-lisey;

132-134 nömrəli təhsil kompleksi;

T.Həsənov adına 23 nömrəli tam orta məktəb;

Bakı Slavyan Universiteti nəzdində məktəb-lisey kompleksi;

Zəngi liseyi.

Qeyd edək ki, adı çəkilən təhsil müəssisələrinin Azərbaycan bölməsi üzrə I siniflərinə valideyni (qanuni nümayəndəsi) qeydiyyat ünvanı üzrə həmin ümumi təhsil müəssisəsi üçün müəyyən edilmiş ərazidə qeydiyyatda olan və qəbul elan olunan vaxtdan ən azı bir il əvvəl həmin ünvanda rəsmi müqavilə əsasında kirayə yaşayan, valideyni (qanuni nümayəndəsi) həmin ümumi təhsil müəssisəsində işləyən, bacı və ya qardaşları həmin ümumi təhsil müəssisəsində təhsil alan uşaqlar sözügedən prioritetlərə uyğun qəbul edilirdilər.

• Xətai rayonunda dəniz mənzərəli hazır mənzil haradan almaq olar?
• Qohumunun evinə qonaq getdi, oğurluq etdi
• Əli Əsədov daha bir qərar imzaladı
• Xaricdə təhsil üzrə Dövlət Proqramının nəticələri elan edildi
• Həzi Aslanovda hazır mənzil almaq istəyənlər üçün hansı imkanlar var?
• İyulun bütün sosial ödənişləri yekunlaşdırıldı
• Tiflis istiqamətində əlavə vaqonların istismarı üçün iş aparılır
• Anar Əliyev Zəngilanda sakinlərlə görüşdü