Neftçala rayonunun 5-ci məhəlləsinin yolları bərbad vəziyyətdədir.

Bu barədə BUTA.TV-a sakinlər məlumat veriblər.

Onların sözlərinə görə, illərdir baxımsız qalan yollarda gediş-gəliş xeyli çətinləşib:

“Onsuz da bərbad olan bu yollar qışda ümumiyyətlə keçilməz olur. Məktəb və uşaq bağçasının arasında olan yol ətrafda ən çox istifadə olunan yoldur. Yağışdan sonra yoldan avtomobillə belə keçmək mümkün deyil. Uşaqlar məktəbə, bağçaya gedəndə əziyyət çəkirlər. Məhəllədəki əsas yol təmir olundu, asfalt döşəndi, amma ara yollar olduğu kimi qaldı. Dəfələrlə icra hakimiyyətinə, digər aidiyyatı qurumlara müraciət etmişik. Amma müraciətimizə baxan yoxdur. Ətrafda az istifadə olunan yollara daş töküb, təmir elədilər, amma bizim bu yolun təmiri barədə hələ də düşünən yoxdur”.

Sakinlərin şikayəti əsasən Neftçala rayon İcra Hakimiyyəti Başçısının şəhər İƏD üzrə nümayəndəsi Elşad Əzizovdandır:

“Dəfələrlə ona müraciət etmişik, amma heç bir faydası yoxdur. Məhz onun tapşırığı ilə istifadə olunmayan yollara daş tökülüb, amma bizim məhəllənin yolları bərbad vəziyyətdədir”.

• Arzum xəstəxanada 21 dəqiqə qalıb - Maşını aeroportdan götürülüb
• Bu marşrutun hərəkət sxemi və avtobusları dəyişdirilir
• Bakıda iki küçədə hərəkət məhdudlaşdırılacaq
• Peter Pelleqrininin şərəfinə rəsmi nahar verildi
• “Sabah” fasiləyə qalib yollandı - Yenilənir+Canlı
• Kəmaləddin Heydərov Matuş Şutoy-Eştok ilə görüşdü
• Əli Əhmədovun həyat yoldaşı bu klinikanın direktoru oldu
• Bakıda bu ərazilərdə yol təmiri başa çatdı