Bakıda marşrut avtobuslarının rahat hərəkət etməsi üçün zolaqlar çəkilsə də, bir çox hallarda avtobuslar digər zolaqlarla da hərəkət edirlər.

Bu barədə BUTA.TV-a göndərilən görüntüdən də aydın olur.

Paytaxtın Qara Qarayev prospektində bu gün səhər saatlarında avtobusların hərəkət qaydalarına əməl etmədiyi, bir-birini ötmək üçün digər zolaqlara təhlükəli manevrlər etdiyi görünür.

Qeyd edək ki, digər avtomobillərin avtobus zolaqlarına daxil olmasına görə 100 manat cərimə nəzərdə tutulur. Avtobuslar isə istədikləri vaxt digər zolaqlardan istifadə edirlər və bəzən 2-3 zolağı tutaraq, sıxlığın yaranmasına səbəb olurlar.