Tiflisdəki Tsminda Sameba kilsəsində (Müqəddəs Üçlük Katedralı) İosif Stalinin ikonası ilə yanaşı olan Müqəddəs Matrona ikonasına naməlum şəxslər göy boya töküblər.

BUTA.TV xəbər verir ki, bu barədə gürcü eko-aktivist Nata Peradze sosial şəbəkədə görüntülər paylaşıb.

Maraqlı məqam ondan ibarətdir ki, Stalinin təsvir olan hissəyə boya düşməyib.

Gürcüstan Patriarxlığının nümayəndələri insidentlə bağlı hələlik şərh verməyiblər.

Qeyd edək ki, bundan öncə siyasətçi Georgi Kandelaki katedralda Stalinin ikonasının peyda olmasını kəskin tənqid etmişdi.