İran xarici işlər naziri Hüseyn Əmir Abdullahian Omana aprelin 2-də səfər etməli imiş. Nazir orada “Əqsa tufanı” əməliyyatından sonrakı regional məsələləri müzakirə edəcəkmiş.

BUTA.TV xəbər verir ki, bu barədə Oman məsələləri üzrə ekspert Cavad Mirqluvi Bayat danışıb.

“Oman “Əqsa tufanı” əməliyyatından sonra İran və ABŞ arasında gizli danışıqlar məkanıdır. Maskatda edilən tənzimləmələr əməliyyatın bütün bölgəyə yayılmaması və geri dönüşü olmayan bir nöqtəyə çatmaması üçün vacibdir. Unutmayın ki, Abdullahianın səfəri aprelin 2-si baş tutmalı idi, lakin İsrailin İranın Suriyadakı konsulluğuna hücumu səbəbindən bu səfər təxirə salındı. Demək istəmirəm ki, İsrail bu danışıqların getdiyini və Abdullahianın ora gedəcəyini bilib həmin gün konsulluğa hücum edib. İsrailin məqsədlərindən biri İran və ABŞ arasındakı Maskat danışıqlarını pozmaq ola bilər”, - o bildirib.

• Dənizdə batma təhlükəsi ilə üzləşən şəxs xilas edildi
• Cəlilabadda park tikintisində nələr tapıldı?
• Axtarılan 12 yaşlı qız bıçaq yarasından öldü
• Şuşa-Xankəndi yolunda avtomobil dərəyə aşdı
• Tamerlan Qarayev geri çağırılır?
• Həyətlərindən yaralı halda tapılan qız xəstəxanada öldü
• Diplomatik xidmətə qəbul imtahanının nəticələri açıqlandı
• Şəhid anası böyrəyini qızına bağışladı - Fotolar