Rusiya Prezidentinin mətbuat katibi Dmitri Peskov Rusiya-Türkiyə münasibətlərinin pisləşməsi təəssüratını səhv adlandırıb.
BUTA.TV xəbər verir ki, bu barədə “İnterfaks” məlumat yayıb.
“Bu yanlış təəssüratdır. Rusiya-Türkiyə təmasları və iqtisadi dialoqu bütün mövcud problemlərlə davam edir. Həm amerikalıların, həm də ingilislərin, onların yaratdığı kvazi-kəşfiyyat orqanlarının misli görünməmiş təzyiqindən xəbərdarıq. Məmurları, biznes rəhbərlərini yığıb kobud şəkildə hədələyirlər”, - o bildirib.
Peskov qeyd edib ki, Qərb dövlətlərinin nümayəndələri təkcə Türkiyəyə deyil, digər ölkələrə də təzyiq göstərməyə çalışırlar:
“Bəzi ölkələrdə, məsələn, Çində bunu daha nəzakətlə edirlər. Çin hakimiyyəti daha güclü, daha suverendir. Digər məsələlərlə yanaşı, ölkənin malik olduğu iqtisadi problemləri və sairləri də nəzərə alsaq, ola bilsin ki, Türkiyə bu təzyiqin öhdəsindən çətinliklə gəlir. Amma bununla belə, Prezident Ərdoğan öz ölkəsinin maraqlarını kifayət qədər inandırıcı şəkildə müdafiə edir”.
- Netanyahu açıq şəkildə elan etdi, işğal edəcək: Bəs, necə?
- Kirk simvola çevriləcək, qarşıdurma artacaq
- Bakı ilə İrəvan arasında müqavilə bitən kimi... - Fidan
- Fələstinə dəstək bəyannaməsi - Bakı da lehinə səs verdi
- AB Zəngəzur dəhlizi üçün mühüm rol oynaya bilər
- AB-dən Türkiyə-Ermənistan görüşünə reaksiya
- Azərbaycan və “Albaniya” arasında... - Tramp yenə çaşdı
- Bakı ilə İrəvanın bu tarixi müraciəti... - Sampyetro