Azərbaycanda qan qohumlarının nikaha daxil olması qadağan edilir.

BUTA.TV Report-a istinadla xəbər verir ki, bununla bağlı Ailə Məcəlləsinə dəyişiklik təklif olunur.

Dəyişikliklə nikahın bağlanmasına mane olan halların sayı artırılır. Belə ki, məcəlləyə aşağıdakı hallar əlavə edilir.

- qardaşların və (və ya) bacıların ümumi bioloji baba və (və ya) nənəsi olan uşaqları;

- bioloji qohumluğu olan əmi (dayı) və qardaş (bacı) qızı, həmçinin bibi (xala) və qardaş (bacı) oğlu;

Layihədə aralarında nikahın bağlanması yol verilməyən subyektlər dairəsinin genişləndirilməsi ilə bağlı təkliflər də irəli sürülüb. Belə ki, bu problemdən əziyyət çəkən dünya əhalisinin bir qismi kimi, Azərbaycanda da qan qohumları arasında bağlanan nikahlar nəticəsində doğulan uşaqlarda genetik xəstəliklərin olması riski olduqca yüksəkdir.

Qeyd edək ki, hazırki qanunvericiliyə əsasən, aşağıdakı şəxslər arasında nikahın bağlanmasına yol verilmir:

- yaxın qohumlar (valideynlər və uşaqlar, baba-nənə və nəvələr, doğma və ögey (ümumi ata və anası olan) qardaş və bacılar);

- övladlığa götürənlər və övladlığa götürülənlər;

- ikisindən biri və ya hər ikisi başqası ilə nikahda olan şəxslər;

- bu Məcəllənin 13-cü maddəsində nəzərdə tutulmuş tibbi müayinədən keçməyən şəxslər;

- ikisindən biri və ya hər ikisi ruhi xəstəlik və ya əqli gerilik nəticəsində məhkəmə tərəfindən fəaliyyət qabiliyyəti olmayan hesab edilən şəxslər.

• Türkiyə ilə Ermənistan arasında yeganə hüquqi sənəd...
• Ukrayna müharibəsi təhlükəsizliyə ciddi zərər verir - Rəfiyev
• TRT-dən tarixi Azərbaycan şəhəri ilə bağlı böyük səhv addım
• İlham Əliyev Ərdoğana zəng etdi
• Nazirlərin adından yayılan xəbərlərlə bağlı rəsmi açıqlama
• Fransada müəmmalı ölümlər: Makronun arvadının sirli işləri
• Şaranın Azərbaycan səfəri: Vacib olan məqamlar hansılardır?
• Şaranın Azərbaycana səfəri başa çatdı