Ermənistan Milli Assambleyasının parlament müxalifətinin təşəbbüsü ilə keçirilən iclası baş tutmayıb.

BUTA.TV xəbər verir ki, hakim “Mülki müqavilə” fraksiyasının deputatları lazımi kvorumu təmin etməyib.

İclasda iştirak etmək üçün cəmi 34 deputat qeydiyyatdan keçib, lakin onun baş tutması üçün minimum 54 deputat tələb olunur.

“34 deputat qeydiyyatdan keçib, kvorum yoxdur” deyən parlamentin spikeri Alen Simonyan (hakim partiyanın üzvü – red.) bildirib.

Qeyd edək ki, 107 deputatı olan Ermənistan parlamentində Paşinyan fraksiyasının 71 mandatı var.

Müxalifətin “Hayastan” və “Şərəfim var” blokları ötən həftə “Hökumətin istefası və yeni parlamentin formalaşdırılması zərurəti haqqında” müraciət layihəsinin müzakirəsi nəzərdə tutulan iclas keçirmək təşəbbüsü ilə çıxış ediblər.

• Kəmaləddin Heydərov Matuş Şutoy-Eştok ilə görüşdü
• Əli Əhmədovun həyat yoldaşı bu klinikanın direktoru oldu
• Bakıda bu ərazilərdə yol təmiri başa çatdı
• TRT-nin Azərbaycan nümayəndəliyinə yeni rəhbər təyin edildi
• Trabzon-Bakı reysi ləğv olundu
• 22 yaşlı Rəşad müharibədə həlak oldu
• Tuqay Hüseynov Azərbaycana ekstradasiya olundu
• Azərbaycan bu şəxsi Türkmənistana təhvil verdi