Sabahdan Azərbaycanda qrip əleyhinə vaksinasiyaya başlanılır.
BUTA.TV xəbər verir ki, bununla bağlı Səhiyyə Nazirliyi əhaliyə müraciət edib. Nazirlikdən bildirilib ki, qarşıdan gələn payız-qış mövsümündə ölkə ərazisində kəskin respirator virus infeksiyalarının yayılması gözləniləndir.
"Bununla əlaqədar, əhali arasında qrip və kəskin respirator virus infeksiyalarına qarşı profilaktik və əksepidemik tədbirlərin gücləndirilməsi məqsədilə Səhiyyə Nazirliyi tərəfindən ölkəyə mövsümi qrip əleyhinə “Abbott” şirkətinin istehsalı olan tam təhlükəsiz və yüksək keyfiyyətli vaksin preparatları gətirilib. Səhiyyə Nazirliyinin müvafiq Əmrinə əsasən 10 sentyabr 2024-cü il tarixindən vaksinasiyaya başlanılır" - deyə, nazirliyin məlumatında qeyd olunub.
Səhiyyə Nazirliyi respirator xəstəliklərə görə yüksək risk qrupuna aid olan səhiyyə işçilərinin, hamilə qadınların və xroniki tənəffüs sistemi xəstəlikləri olan 6 aylıqdan yuxarı əhalinin qış mövsümündə qripə qarşı peyvənd olunmasının xüsusilə vacib olduğunu vurğulayıb.
"Həmçinin cari ilin noyabr ayında BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) ölkəmizdə keçirilməsi ilə bağlı dünyanın müxtəlif ölkələrindən Azərbaycana çoxsaylı qonaqların səfəri gözlənilir.
Əhalinin sağlamlığının qorunması və kəskin respirator virus infeksiyalarına yoluxma hallarının qarşısının alınması məqsədilə Səhiyyə Nazirliyi sözügedən əhali qrupları ilə yanaşı COP29-la bağlı tədbirlərə cəlb olunan vətəndaşları mövsümi qripə qarşı peyvənd olunmağa çağırır.
Qripə qarşı peyvənd olunmaq istəyən şəxslər yaşayış və ya iş yeri üzrə əhaliyə ambulator-poliklinik xidmət göstərən dövlət tibb müəssisələrinə müraciət edə bilərlər", - deyə müraciətdə diqqətə çatdırılıb.
- ABŞ bu qurumu ləğv edir - Türkiyə üçün təhlükə
- Bakıda SSRİ bayrağı qaldıranlar barədə qərar verildi
- Hikmət Hacıyev Niderland səfiri ilə görüşdü
- Ramiz Mehdiyev izi: SSRİ-ni təbliğ edən ideoloji hücrələr...
- "Alov Qüllələri"nin ətrafında tədqiqat aparılacaq
- Naxçıvanda maarifləndirmə tədbirləri keçirildi - Video
- Baş nazirdən mühüm qərar: Buna görə rüsum tutulacaq
- Pəncəli Teymurovun anası Prezidentə məktub göndərdi