AB ilə ABŞ arasındakı çətin vəziyyəti nəzərə alaraq, Vaşinqtonun hərbi texnikasının bir hissəsinin Amerika rejiminə dost olan Ermənistana köçürülməsinə təəccüblənmirəm.

Bu sözləri BUTA.TV-a rusiyalı politoloq Yevgeni Mixaylov ABŞ hərbi texnikasının Almaniyadan Ermənistandakı poliqona aparılması ilə bağlı yayılan məlumatları şərh edərkən deyib.

“Təbii ki, ABŞ Trampın başqa maraqlarının olması ilə bağlı bəyanatları fonunda Cənubi Qafqazı tamamilə tərk etmək niyyətində deyil. İrəvan kimi dayağı olan Tramp bundan istifadə edərək Ermənistan ərazisindən İrana nəzarət, yaxud Ermənistan ərazisindən İrana hücum edəcək. Deməli, Amerikanın Cənubi Qafqazda imkanlarının güclənməsi, prinsipcə, gözlənilən hadisədir. Mən də güman edirdim ki, Trampın gəlişi ilə amerikalılar bu istiqamətə daha az baxacaqlar. Amma sual başqadır. Bu, konkret olaraq Azərbaycan və Rusiyaya qarşı mübarizənin gücləndirilməsidirmi? Yoxsa bu, İranla mümkün münaqişədən əvvəl möhkəmlənmək cəhdidir? Bu böyük sualdır. Düşünürəm ki, Moskva istənilən halda bütün bunları indi izləyir. Vaşinqtonla daim təmasdayıq və çətin ki, amerikalılar yaxın gələcəkdə Cənubi Qafqazda hər hansı təhlükəsizlik təhdidi yaratsın. Amma ermənilərdən olduğu kimi, onlardan da hər şey gözləmək olar. Beləliklə, hadisələrin istənilən dönüşünə hazır olmalıyıq”, - o bildirib.

Mixaylov Azərbaycanın Türkiyə və Rusiya kimi müttəfiqlərinin olduğunu da qeyd edib:

“Aydındır ki, belə bir vəziyyətdə Vaşinqtonun Azərbaycana qarşı Ermənistana hər hansı dəstək vermək qərarına gəlməsi mümkün deyil. Gürcüstanın ilk növbədə öz milli maraqlarını gücləndirməyə yönəlmiş siyasət yeritdiyini nəzərə alsaq, bu, indi faktiki olaraq Cənubi Qafqazda yeganə forpost halına gələn Ermənistan ərazisində Amerika dayaqlarının möhkəmlənməsidir. Azərbaycan İrəvanın təcili razılaşma ilə bağlı vədlərinə diqqətlə yanaşmalı və bu danışıqlar prosesində güclü mövqedən çıxış etməlidir. Çünki güclü dövlət uduzmuşların, sülh müqaviləsi üçün əlverişli şərtlər təklif olunanların, hələ də təpik atanların şıltaqlığına dözməməlidir”.

• Britaniya XİN rəhbərindən Bakı və İrəvanla bağlı açıqlama
• Üçtərəfli işçi qrupu “yatmış” vəziyyətdədir - Overçuk
• Türk jurnalist İrəvandan reportaj hazırladı, ermənilər dəli oldu - Nə deyib?
• Xəstəxanada vətəndaşlara vaxtı keçmiş dərmanlar verilir? - FOTO
• Sülh müqaviləsinin imzalanması üçün əsas şərt... - XİN
• Sərhəddə atışmalar: Rəsmi Bakıdan İrəvana cavab...
• Rusiya Azərbaycanın bu əzmindən... - Matviyenko
• İrəvan sazişdə heç bir güzəştə getməyib - Ovannisyan