Azərbaycanda şəhərsalma sahəsində aparılan islahatlar nəticəsində 68 şəhərin baş planı təsdiqlənib.
BUTA.TV xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev bu gün Bakıda keçirilən "Sahibkarlığın inkişafı güclü iqtisadiyyatdır" adlı tədbirdə bildirib.
Onun sözlərinə görə, ölkənin 79 şəhərindən 68-nin yeni baş planı hazırlanaraq təsdiq edilib, qalan 11 şəhər üzrə işlər isə davam etdirilir:
"Yenilənmiş baş planlar şəhərlərin inkişafını sistemli və proqnozlaşdırılan edir, sahibkarlıq fəaliyyəti üçün hüquqi aydınlıq və investisiya cəlbediciliyi yaradır".
A.Quliyev deyib ki, ölkədə şəhərsalma və tikinti sahəsində son 20 ildə genişmiqyaslı islahatlar həyata keçirilib: "Bu dövrdə normativ hüquqi baza təkmilləşdirilib, ərazi planlaşdırılması inkişaf etdirilib və tənzimləmə mexanizmləri rəqəmsallaşdırılıb. Tikinti və istismara icazələrin verilməsi prosedurlarının sadələşdirilməsi nəticəsində hazırda ölkədə layihələndirmə əsasında minə yaxın subyekt fəaliyyət göstərir".
- Milli Ordumuz Azərbaycanın ərazi bütövlüyünü tam şəkildə bərpa etdi
- Türkiyə - ABŞ matçının ən yaxşı fubolçusu...
- Xankəndidəki hərbi yürüşdən - Fotolar
- İstisuda dağlıq-meşəlik ərazidə itkin düşən 8 nəfər xilas edildi
- Bakı və bölgələrdə narkotik əməliyyatı: 9 nəfər saxlanıldı
- Ağcabədidə ağır qəza: ölən var
- Ordumuz yeni modelə keçir, gücünü artırır
- Arda DÇ-də rekorda imza atdı