Bu tədris ilinin qış tətili dövründə tələbələrin bərpası və akademik məzuniyyətdən qayıtması məsələlərinə ənənəvi qaydada baxılacaq.
Bu barədə BUTA.TV-a Elm və Təhsil Nazirliyindən məlumat verilib.
Hazırda təhsilin müxtəlif pillələrində təhsil alan tələbələrin köçürülməsi ilə bağlı qanunvericilikdə dəyişikliklər hazırlanır. Məsələ geniş şəkildə Milli Məclisdə və ictimaiyyətdə müzakirə olunur.
Köçürülmə və bərpa proseslərinin sadələşdirilməsi məqsədilə normativ-hüquqi bazanın təkmilləşdirilməsi istiqamətində müəyyən işlər görülməkdədir.
Bununla əlaqədar 2022-2023-cü tədris ilinin qış tətili müddətində transfer.edu.az portalı vasitəsilə respublika daxilində, eləcə də xarici ölkələrin ali və orta ixtisas təhsili müəssisələrindən (bir ixtisasdan və (və ya) təhsilalma formasından digərinə) tələbələrin köçürülməsi həyata keçirilməyəcək.
Qeyd edək ki, tələbələrin respublika daxilində və xarici ölkələrin ali təhsil müəssisələrindən köçürülməsi, həmçinin tələbələr sırasına bərpası məsələlərinə növbəti dəfə 2022-2023-cü tədris ilinin yay tətili müddətində baxılması nəzərdə tutulur.
- Su şəbəkəsinə qoşulma ilə bağlı tədbir keçirildi
- Onların maaşı ilə bağlı qərar verildi
- Xəzər TV-yə xəbərdarlıq edildi
- Gələn il 2 Günəş və 2 Ay tutulması olacaq
- Yağışdan sonra aidiyyəti qurumlar Bakıda hansı tədbirləri görür?
- Ağadadaş Ağayevin işində 1 milyonluq tələb - Məhkəməyə gəlmədi
- Səfərbərlik xidmətinin zabitinə hökm oxundu
- Azərbaycanda neçə uşağa Ərdoğan adı qoyulub?