"Meta" şirkətinin səhmlərinin dəyəri 21% artıb.

BUTA.TV Publika.az-a istinadən xəbər verir ki, Mark Zukerberqin şəxsi sərvəti bir gündə 12 milyard dollar artıb. Bazarda nikbinlik şirkətin xərclərini azaltması və bir çox işçini ixtisar etməsi ilə bağlıdır.

"Bloomberg Billionaires Index"ə görə, Zukerberq 57,2 milyard dollarlıq sərvətlə dünyanın ən varlı adamları siyahısında 21-ci yerdə olub. Halbuki 2022-ci ilin əvvəlində Zukerberqin sərvəti 125 milyard dollar idi.

Bu, ötən il "Meta" səhmlərinin qiymətinin kəskin düşməsi ilə bağlıdır. 2022-ci ildə şirkət dəyərinin təxminən üçdə ikisini itirdi və gündəlik aktiv istifadəçilərin sayının azaldığını bildirdi.

2022-ci ilin noyabrında Zukerberq işçilərinin təxminən 13%-ni və ya 11.000-dən çox insanı əhatə edən kütləvi ixtisarları elan etdi. O, digər xərclərin azaldılması tədbirlərini də həyata keçirdi. "Meta" bu siyasəti 2023-cü ildə korporasiya daxilində davam etdirməyi planlaşdırır.

• Zeynəbin axtarışları hələ də davam edir - Video
• Sabah Bakıda güclü külək əsəcək - Xəbərdarlıq
• Abşeronda mühüm tədbir keçirildi - Foto
• 1 saatlıq nasazlıq xəstəxanada bu görüntünü yaratdı - Video
• Azərbaycanda daha iki dövlət qurumu ləğv edilir
• Pelleqrini İlham Əliyevə xizək hədiyyə etdi
• Sahibə Qafarovanın bu vəzifəyə namizədliyi irəli sürüldü
• “AzerGold”un təşkilatçılığı ilə Göygöldə tibbi müayinə aksiyası...