Kiçik və Orta Biznesin İnkişafı Agentliyi (KOBİA) tərəfindən keçirilən tender müsabiqəsinin (Açıq tender) nəticəsi məlum olub. Yeniavaz.com xəbər verir ki, tender müsabiqəsinin qalibi “360Marcom” MMC (VÖEN – 1701981231) olub. Müsabiqənin şərtlərinə görə “360Marcom” MMC KOBİA-nın sifarişilə Lənkəran şəhərində Kiçik və Orta Biznesin İnkişafı Mərkəzinin fəaliyyətinin davam etdirilməsi, Mərkəzdə Lənkəran və ətraf rayonlardan olan KOB-lara təlim və seminarların keçirilməsi, habelə məsləhət və dəstək xidmətlərini həyata keçirəcək və qarşılığında 427 min 160 manat alacaq.
Məlumat üçün bildirək ki, “360Marcom” MMC 14.07.2016-cı il tarixində dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Səbail rayonu, Buxta, ev 14, m.1/2-də yerləşir. MMC-nin qanuni təmsilçisi Ələkbərov Şirəli Kamal oğludur.
Marketinq və kommunikasiya xidmətləri sahəsində fəaliyyət göstərən “360Marcom” MMC yalnız KOBİA tərəfindən keçirilən tenderlərdə qalib olur. MMC daha əvvəl KOBİA-nın keçirdiyi daha 5 tender müsabiqəsində qalib olub. Son 2 ildə “360Marcom” MMC-nin KOBİA-dan aldığı vəsaitin ümumi məbləği 1 milyon manata yaxındır.
“360Marcom” MMC-nin qanuni təmsilçisi Şirəli Ələkbərov Azərbaycan Dövlət İqtisad Universitetinin “Ticarətin Təşkili və İdarə Olunması” ixtisası üzrə bakalavr təhsili alıb. Magistr təhsilini Tükiyədə İstanbul Universitetində “Biznesin İdarə Olunması” üzrə davam etdirib.
Şirəli Ələkbərov 2004-2006-cı illərdə İstanbulda “Seyhan Pastaneleri” mağazalar şəbəkəsində marketinq müdiri, 2007-2016-cı illərdə isə “Baku Electronics”də marka meneceri və marketinq departamentinin direktoru vəzifələrində çalışıb.
Şirəli Ələkbərov 2016-cı ildə Türkiyədə “Galaxy Gayrimenkul İnşaat Yapı Malzemeleri İç Ve Dış Ticaret Limited Şirketi”ni təsis edib.
- “Taliban” Bakı və İrəvanla ilə eyni tədbirə qatılacaq
- Dünyanın ən yaxşı futbolçuları: ilk onluq belədir - Foto
- Konstitusiya Məhkəməsində seçkilərlə bağlı iclas başladı
- DİN müraciət etdi: Bu zənglərə aldanmayın!
- Bu qoruğun əsasnaməsi təsdiqləndi
- Baş nazirdən ETSN ilə bağlı qərar
- Ən ağır cəza Hikmət Həsənovun köməkçisinə tələb edildi
- İsrail Qəzzada məktəbi bombaladı: 10 ölü