Ermənistandakı səfir Abbas Bədəxşan Zühurinin dünən səsləndirdiyi fikirlər İranın Cənubi Qafqazda nə qədər zəif olduğunun, məntiqsiz, ardıcıllığa əsaslanmayan siyasət aparmasının göstəricisidir.
Bu sözləri BUTA.TV-a açıqlamasında politoloq Fərhad Məmmədov səfir Abbas Bədəxşan Zühurinin ötəngünkü açıqlamasını şərh edərkən deyib.
Politoloq İranın öz mənfəətləri üçün Ermənistanı bada verdiyini vurğulayıb:
“Zəngəzur dəhlizi nəqliyyat və kommunikasiya xətlərinin açılması prosesinin tərkib hissəsidir. Səfirin dəhlizin açılmasına imkan verməyəcəkləri haqqında sözləri İranın bölgədə normallaşmaya, sülh müqaviləsinin imzalanmasına qarşı olduğunu bir daha sübut edir. Çünki Cənubi Qafqazda sülh İranın buradakı mövqelərini zəifdir.
Digər tərəfdən verilən bəyanatlar Tehranın İrəvanın maraqları hesabına regionda öz siyasətini gerçəkləşdirmək yolunu seçdiyini göstərir. Baxın, İran öz ərazisindən keçən dəhlizə qarşı deyil, lakin Ermənistan ərazisindən keçən dəhlizə qarşıdır. Yəni öz marağına görə Ermənistanın gələcəkdə iqtisadi inkişafını təmin edəcək Zəngəzur dəhlizinin gerçəkləşməsinə əngəl olur. İran rəsmiləri tez-tez bölgəyə kənar qüvvələrin gəlməsini istəmədiklərini deyirlər. Lakin AB-nin Ermənistana missiya göndərməsini az qalırlar ki, alqışlasınlar”.
Ekspertin sözlərinə görə, silah, yaxud da danışıqlar yolu ilə bölgədə Ermənistanla normallaşma prosesi başlayacaq və İran bunun qarşısını ala bilməyəcək.
- Axşam leysan yağacaq
- Bir qrup beynəlxalq səyyah Şuşaya gəldi
- Sulutəpə niyə susuz qalıb? - Açıqlama
- Azərbaycanda toy yasa döndü
- 92 yaşlı qadın dəm qazından boğularaq öldü
- Şəhidlərin ailə üzvlərinin əl işləri: sərgi-satış yarmarkası keçirildi
- Bu ərazimizə 2 sm qar yağdı
- Gecə aeroporta gedənlər bu yollardan istifadə etsin