Türkiyədə baş verən dəhşətli zəlzələdən zərərçəkənlərə dəstək məqsədilə fevralın 10-da Azərbaycandan yola düşən könüllülərin ilk qrupu Qəhrəmanmaraş şəhərində fəaliyyətə başlayıblar.
BUTA.TV Report-a istinadən xəbər verir ki, gənc könüllülərimiz türkiyəli həmkarları ilə zəlzələnin baş verdiyi bölgələrdə vətəndaşlara yardımların paylanılması, onların istiqamətləndirilməsi, qeydiyyat və müxtəlif əlaqələndirmə işlərində iştirak edirlər.
Eyni zamanda Azərbaycandan yola düşən ilk könüllü qrupu barədə xəbər Türkiyə mediasında geniş işıqlandırılıb. Qeyd edək ki, Prezident İlham Əliyevin tapşırığı ilə Azərbaycan dövləti tərəfindən zəlzələdən zərərçəkmiş qardaş Türk xalqına yardım məqsədilə həyata keçirilən və xalqımızın da böyük dəstək verdiyi genişmiqyaslı tədbirlərə Azərbaycanın könüllü gəncləri də qoşulublar.
Azərbaycan Könüllü Təşkilatları İttifaqının təşkilatçılığı ilə “ASAN Könüllüləri”, “Gənc Könüllülər”, “BİR Könüllü”, “Aqrar İnkişaf Könüllüləri”, “Naxçıvan Könüllüləri”, “Böyük Qayıdış” könüllüləri və “Ekokönüllülər” təşkilatlarının üzvləri arasından daha təcrübəli və çətin şəraitdə fəaliyyət göstərməyə hazır olan 100 gənc müəyyən edilərək, ilkin təlimat keçdikdən sonra türkiyəli həmkarlarına dəstək vermək üçün qardaş ölkəyə yola düşüblər.
- Adil Kərimli bu universitetin kollektivi ilə görüşdü - Foto
- Kanala düşən maral xilas edildi - Video
- Kaynarca himnimizi bilməyən iştirakçıya əsəbiləşdi - Video
- Cəbrayılda yük maşınını qaçıranlar saxlanıldı
- Kəmaləddin Heydərov ağac əkdi - Video
- Rabitəbank və nazirlik ağacəkmə aksiyası keçirdi
- Bakıda 75 min manat ələ keçirən 3 nəfər saxlanıldı
- "Azərişığ"ın əməkdaşı faciəli şəkildə öldü