Ermənistanda AB missiyasının yerləşdirilməsi digər regional oyunçuların, xüsusən də İranın maraqlarına zərbə vurur. Tehran başa düşməlidir ki, Ermənistan ərazisində olan Qərb kəşfiyyatçıları İranın özü haqqında da məlumat toplayacaqlar.
BUTA.TV xəbər verir ki, bunu “Milli müdafiə” jurnalının baş redaktoru, tanınmış rusiyalı hərbi ekspert İqor Korotçenko deyib.
Ekspertin fikrincə, Qərb müşahidəçiləri diplomat adı altında erməniləri öz sıralarına cəlb edəcək, onlarla qeyri-rəsmi, gizli əlaqə yaradacaqlar:
“Ona görə də belə bir missiyanın mövcudluğu İranın milli təhlükəsizliyinə təhdid yaradır, mən hələ Rusiyanı, Azərbaycanı demirəm. Qlobal miqyasda İran rəhbərliyinə tamamilə aydın olmalıdır ki, Ermənistan Qərbin dayağına çevrilir. İranın yanında NATO-nun hərbi bazasının olması nəyə lazımdır? Üstəlik, Ermənistan xarici siyasət vektorunu çox tez dəyişməyə qadir ölkə kimi tanınır. Budur, bir misal - mən Rusiya ilə dost idim, indi isə bitdi, bu qədər. Münasibətlər, yumşaq desək, sürətlə pisləşir. Bu, İrəvan-Tehran yolunda da baş verə bilər. Hesab edirəm ki, Cənubi Qafqaz və Xəzər regionunda AB-nin olmaması region ölkələrinin ümumi maraqlarına cavab verir. Amma çox təəssüf ki, proses artıq başlayıb və biz onun nəticələri ilə üzləşəcəyik”.
- Zəngəzur dəhlizi unikal marşrut olacaq... - Nazir
- Xocalıda talanlar bu tarixədək davam edib - Babayan
- Azərbaycanla əlaqələrimiz inkişaf edir - Rusiya
- Əliyev əllərini təcili dezinfeksiya etməlidir
- Bakıda qadın bıçaqla blogerin evinə gələrək onu hədələdi - FOTO
- Pekində görüş niyə alınmadı? - Əliyevin Putinlə görüş şərti...
- Telefonda icra başçısını təhqir etdi - Cəzalandırıldı
- “İnsana iş imkanı yaradılmalıdır ki, axşam uşağına çörək gətirə bilsin” - SİSTEM ÖZÜNÜ DOĞRULTMADI