Türkiyədə çoxsaylı insan tələfatına səbəb olan zəlzələlərdə qardaş ölkəyə ilk yardım əlini uzadan Azərbaycan Adıyaman, Qəhrəmanmaraş və Hatayda konteyner şəhəri salacaq.

BUTA.TV xəbər verir ki, bunu Report-a açıqlamasında "Türkiyə-Azərbaycan İş Adamları və Sənayeçiləri" Birliyinin (TÜİB) sədri Hüseyn Büyükfırat bildirib.

Bununla əlaqədar hazırda Adıyamanda olan H.Büyükfırat deyib ki, zəlzələ baş verən ilk andan Prezident İlham Əliyevin göstərişi ilə Azərbaycandakı bütün aidiyyəti təşkilatlar səfərbər olub.

Azərbaycandan böyük miqdarda yardım gəldiyini deyən TÜİB sədri bildirib ki, hazırda ölkəmiz Türkiyənin zəlzələ baş verən bütün bölgələrinə dəstək vermək əzmindədir:

“Hazırda biz Adıyamanda 1 000 konteynerlik şəhər quracağıq. Azərbaycandan gələn TIR-ları Türkiyənin Fövqəladə Halların İdarə Olunması Agentliyinin (AFAD) Adıyamandakı mərkəzinə aparırıq".

H.Büyükfırat deyib ki, konteyner şəhərində bütün sosial təminat qurulacaq:

“Əvvəlcə Adıyamanda, daha sonra Hatay və Qəhrəmanmaraşda koordinasiyalı və tam mütəşəkkil bir sahə yaradılacaq”.

Adıyamana 4, Qəhrəmanmaraşa isə 20-yə yaxın TIR-la yardım çatdırdıqlarını vurğulayan TÜİB sədri Azərbaycandan gələn yardımların Türkiyənin Azərbaycandakı Səfirliyinin koordinasiyası ilə göndərildiyini qeyd edib.

• Mühüm dəyişiklik gündəmdə: Evlər ucuzlaşacaq? - Video
• İsmayıllıda məşhur asma körpüdən keçid pulludur? - Video
• Fransa Norveçi darmadağın etdi - Yenilənib - Video
• Xidmət rəisi "neqodnı" olan vətəndaşlara çağırış etdi
• Xəzəryanı ölkələrdə 40 mindən çox ölü suiti tapıldı
• Azərbaycanda hərbi xidmətin müddəti azaldılır?
• Dilarə Səlim vəzifəsindən azad edilib? - Açıqlama
• “Adam var, tər tökür, xaricdə oxuyur, o birisi də burada gəzir, möhlət istəyir…” - Video